অবশেষ
ফুলিল মালতী, ফুলি সৰি গ'ল,
বিলোৱা সৌৰভ মাত্ৰ জগতত ৰ'ল ।
ভাগি গ'ল বীণখনি, ছিগি গ'ল তাঁৰ,
ৰই গ'ল অৱশেষ অমিয়া জোকাৰ ।
পঞ্চতত্ত্ব লীন হ'ল তৰুণী সুন্দৰী,
মধুৰ হাঁহিটি মাথোঁ থাকি গ'ল পৰি ।
মাৰ গ'ল দ্বিতীয়াৰ জোনৰ জীৱন,
থকি গ'ল মধুৰতা কিৰিশ কিৰণ ।
সন্ধিয়াৰ ধীৰ বায়ু ধীৰে গ'ল বলি,
মৃদুল হিল্লোল ৰ'ল হৃদয় আকুলি ।
আকাঙ্খাৰ অধীৰতা, উদ্বেগ হিয়াৰ
বাসনাৰ অতৃপ্ততা, আশাৰ নিকাৰ ।
লাহে লাহে আঁতৰিল, ৰ'ল প্ৰতিধ্বনি
সুৱাগ সমল গ'ল, থাকিল বিননি ।
ধন গ'ল, জন গ'ল, গ'ল ক্লায়কেশ,
সুখ্যাতি-অখ্যাতি ৰ'ল আত্মা অৱশেষ ।
বিলোৱা সৌৰভ মাত্ৰ জগতত ৰ'ল ।
ভাগি গ'ল বীণখনি, ছিগি গ'ল তাঁৰ,
ৰই গ'ল অৱশেষ অমিয়া জোকাৰ ।
পঞ্চতত্ত্ব লীন হ'ল তৰুণী সুন্দৰী,
মধুৰ হাঁহিটি মাথোঁ থাকি গ'ল পৰি ।
মাৰ গ'ল দ্বিতীয়াৰ জোনৰ জীৱন,
থকি গ'ল মধুৰতা কিৰিশ কিৰণ ।
সন্ধিয়াৰ ধীৰ বায়ু ধীৰে গ'ল বলি,
মৃদুল হিল্লোল ৰ'ল হৃদয় আকুলি ।
আকাঙ্খাৰ অধীৰতা, উদ্বেগ হিয়াৰ
বাসনাৰ অতৃপ্ততা, আশাৰ নিকাৰ ।
লাহে লাহে আঁতৰিল, ৰ'ল প্ৰতিধ্বনি
সুৱাগ সমল গ'ল, থাকিল বিননি ।
ধন গ'ল, জন গ'ল, গ'ল ক্লায়কেশ,
সুখ্যাতি-অখ্যাতি ৰ'ল আত্মা অৱশেষ ।
বসন্ত
মালতী ফুলিল, সেউতী উঠিল,
কেতেকী গা-মুৰি দিলে,
সুৰীয়া কুলিয়ে গল কঁপাই গাই
বননিৰ বাতৰি দিলে |
বকুলে সিঁচিলে তৰা একোকণি
মদাৰে খেলিলে ফাঁকু,
যুতি ফুলজুপি নিশাহ এৰিলে
পদুমে মেলিলে চকু |
থুৰিত কৰবীয়ে সাঁচিলে মৌ টুপি
ভুমিয়ে মেলিলে চঁপা,
চৰাই হালধীয়া মৌ মতলীয়া
উলটি কৰিলে কৃপা |
মালতী
পূবৰে ৰ’দত চিক্মিক্ কৰিছে
লুইতৰে পাৰৰে বালি;
আকশত উড়িছে তেনে চিকেমিকাই
বগলি জাকৰে লালী |
পাৰতে ক’হুয়াৰ ফুলে চিকেমিকাই
পানীতে ফটিকৰ জোল,
মালতীৰ হাঁহিতে দাঁতে চিকেমিকাই
দেখোঁতেই অমোলমোল |
লুইতৰ কুৱৰী নহয় ঐ মালতী
নহয় তেওঁ ফুলৰে ৰাণী:
আকশী পোহৰৰ নহয় তেওঁ প্ৰতিমা,
নহয় তেওঁ বীণৰে বাণী
পৰ্বতৰ জীয়ৰী সুন্দৰী গৌৰী
সাঁচত মোৰ মালতী নাই;
নুশুঙা ফুলটিৰ নুফুলা কলিটিৰ
মালতীত তুলনা পায় |
ভৱৰে প্ৰতিমা ভাৱতে বাঢ়িছে
ভাৱতে বেহানি কৰে;
বুকুৰে ভিতৰত চেনেহৰ সঁফুৰাত
মালতীৰ চেনেহকণ চৰে |
চাম মই মালতীক ওৰে জীৱন জুৰি
থম মোৰ বুকুতে বান্ধি;
মালতীৰ হাঁহিতে হাঁহিটি মিলাই মই
থাকিম কান্দোনত কান্দি |
চেনেহী মালতীৰ কোলাত থৈ মূৰটি
মুদিম দুই চকুৰে পটা;
নিঠুৰ এই জগতৰ মেলানি মাগি ল’ম
ঢুকাব সকলো কথা |
নিকুঞ্জ লতা সপোন মগন
নিকুঞ্জ লতা সপোন মগন
বাঁহীৰ অমিয়া পি,
বসন্তই বঢ়ালে সপোনৰ ৰাগী
মূৰত হাত বুলাই দি |
মলয়া বতাহে লতাটি জগালে
মেলিলে ফুলৰে চকু,
জোনায়ে ঢালিলে সুধাৰ নিজৰা
উপচি পৰিল বুকু ।
বৃন্দা-চন্দ্ৰাৱলী সংবাদ
চন্দ্ৰা ঃ Now look here Brinda বাই,
go tell him go : -
মই ৰাধা নহওঁ, বাঁহী বাই নচুৱাব মোক so !
Let him go to Radha's Bower
here no চালাকি ।
ইমান পাতল নহয় চন্দ্ৰা, ভালৰ জীয়াৰী নহয় কি?
বৃন্দা ঃ হ'ব পাৰা ভালৰ জীয়াৰী, হ'ব পাৰা গধুৰ
But why abuse our Radha?
what is her কচুৰ ?
হাক দিলেও, কলাই বাঁহী বজাবলৈ নেৰে ।
Aweful naughty that boy
ৰাধাক বলিয়া কৰে ।
চন্দ্ৰা ঃ Steel the flute, pay him back in his
own coin;
ফুটাকেইটাত মাটি সুমাই মাৰি দিয়াঁ তাৰ জইন ।
That's the way to put an end to that
nuisance.
যোৱাঁ । বৃন্দ যোৱাঁ লক্ষী । pray have no
nonsence .
ইৰি-বন গছ-লতা সচেতন কৰি;
অমৃত হাঁহিৰ ৰং ফুলত ফুলায়;
যি শকতি প্ৰভাৱত মন্দাকিনী যায়;
অণু-পৰমাণু মিলে আকৰ্ষি অন্তৰ;
পৃথক আতমা মিলি হয় একেশ্বৰ;
ব্যৱধান ক্ষয় হয়, ওচৰে আঁতৰ;
অব্যক্ত বেকত; গুচে আত্ম পৰ;
সৰ্বঙ্গে সৰ্বাঙ্গ লয়; জীৱনে জীৱন;
আনন্দে আনন্দ, মহনন্দৰ সৃজন;
সংজ্ঞাৰ অতীত শক্তি, বিশ্বব্যাপী কায়;
ক্ষণিক সম্ভোগে যাৰ দেবত্ব মিলায়;
মৰু বুৰে, শিল পমে, বিন্দুৰ পৰশে;
প্ৰেম আখ্যা মহাশক্তি জগৎ প্ৰকাশে
বৃন্দা-চন্দ্ৰাৱলী সংবাদ
চন্দ্ৰা ঃ Now look here Brinda বাই,
go tell him go : -
মই ৰাধা নহওঁ, বাঁহী বাই নচুৱাব মোক so !
Let him go to Radha's Bower
here no চালাকি ।
ইমান পাতল নহয় চন্দ্ৰা, ভালৰ জীয়াৰী নহয় কি?
বৃন্দা ঃ হ'ব পাৰা ভালৰ জীয়াৰী, হ'ব পাৰা গধুৰ
But why abuse our Radha?
what is her কচুৰ ?
হাক দিলেও, কলাই বাঁহী বজাবলৈ নেৰে ।
Aweful naughty that boy
ৰাধাক বলিয়া কৰে ।
চন্দ্ৰা ঃ Steel the flute, pay him back in his
own coin;
ফুটাকেইটাত মাটি সুমাই মাৰি দিয়াঁ তাৰ জইন ।
That's the way to put an end to that
nuisance.
যোৱাঁ । বৃন্দ যোৱাঁ লক্ষী । pray have no
nonsence .
প্ৰেম
ব্ৰহ্মাণ্ডৰ সত্ব যিটো পৰিছে নিজৰি;ইৰি-বন গছ-লতা সচেতন কৰি;
অমৃত হাঁহিৰ ৰং ফুলত ফুলায়;
যি শকতি প্ৰভাৱত মন্দাকিনী যায়;
অণু-পৰমাণু মিলে আকৰ্ষি অন্তৰ;
পৃথক আতমা মিলি হয় একেশ্বৰ;
ব্যৱধান ক্ষয় হয়, ওচৰে আঁতৰ;
অব্যক্ত বেকত; গুচে আত্ম পৰ;
সৰ্বঙ্গে সৰ্বাঙ্গ লয়; জীৱনে জীৱন;
আনন্দে আনন্দ, মহনন্দৰ সৃজন;
সংজ্ঞাৰ অতীত শক্তি, বিশ্বব্যাপী কায়;
ক্ষণিক সম্ভোগে যাৰ দেবত্ব মিলায়;
মৰু বুৰে, শিল পমে, বিন্দুৰ পৰশে;
প্ৰেম আখ্যা মহাশক্তি জগৎ প্ৰকাশে
