Poems of Hiren Bhattacharya - হীৰেন ভট্টাচাৰ্যৰ কবিতা - ১৩

স্বপ্নৰ সতে

১

ভালপোৱাই বুকু উজাৰ কৰি দিয়ে আনন্দ,

কবিতাৰ শব্দ, বৰ্ণ;

বুকু পাতি লয় দুখৰ ধুমুহা, স্বপ্নৰ সতে বিনিময় কৰে

বিষাদৰ হিমদৃশ্য … …

২

মই দুখৰ লগত খেলো, জিকোৱেই বা হাৰোঁ

অবিচলিত মোৰ আনন্দ !

অসম্ভব অনুবাদ

এটা অজুহাত পালে মই গুচি যাব পাৰোঁ

যেনি মন যায় তোমাৰ সান্নিধyৰ জাদুকৰী ৰাতি

মই গুচি যাম, যি কোনো অজুহাত পালে

মুক্ত কৰি প্ৰতিভাৰ পথ, নিৰ্জনত নিৰ্ভৰ ছয়াৰ

সুখ্যাতিত এই যে তোমৰ উপস্থিতি

অসম্ভব অনুবাদ তাৰ, জালিকটা জোনকৰ

মাজেৰে মই গুচি যাম, হাতত সাৰে ভৰিত সাৰে … …

           [কোনোবা হাস্নাহানা ৰাতি]

পথাৰ

শস্যৰ সময় | ৰোৱণিৰ ভৰি উঠে বুকু !

বেলি বুৰ দিবলৈহে পালে

ধানৰ শীহে-শীহে সুহুৰি বজাই বৈ গ’ল

বতাহৰ নিছিগা ধাৰ |

সাঁজৰ এন্ধাৰে মোৰ বাহুত মূৰ থৈ

যিমানলৈ চাব পাৰে চালে :

ৰোৱণীৰ ধুক্‌ধুক্‌ বুকুৰ শব্দই-শব্দই কঁপি উঠে

গোটেই পথাৰ |

সোঁৱৰনীৰ অনুসৰনত

১

সহজ আছিল দুখ, কাঁইটৰ দৰে হোঁৱাহেতেন,

নিষ্ফল ঘাঁহত ভৰি মোহাৰিলেই আহে গোলাপ-ভ্ৰমণৰ

অনুনয় সোঁৱৰণ … …

২

দুখ, যিয়েই নহ’ৱ বাস্তুহাৰা বা উৎসাহী পৰ্যটক,

ৰাতিটো কটাই যা, তেজত মোৰ সাজি থৈছোঁ আলহীঘৰ;

চৌকাষে ওলগনি-গছ, কোঠালিত ফুলৰ বিনীত স্তৱক |

৩

স্বপ্নৰ ফুলবোৰ ফুলে দুখৰ ছাঁত, জোনাকীয়ে শুহি  নিয়ে

গছৰ নিয়ৰ, শুন্যত উৰে মৃগৰ ৰ্কস্তুৰী গোন্ধ,

কান পাতিলেই শুনো

তেজৰ ফুলৰ নিগূঢ় সংলাপ, নিজান নদীৰ কবিতা পাঠ !

Poems of Hiren Bhattacharya - হীৰেন ভট্টাচাৰ্যৰ কবিতা - ১২

নতুন পাঠ

কবিতা পঢ়ি পাহৰিব পাৰি

পাহৰিব পাৰি কিছু দুখ, আনকি গ্লানি |

কবিতা জীৱনৰ অন্য বিষয়-কুশল, অন্য প্ৰত্যাশা;

শব্দ সংঘ ভাঙি তিৰ্‌বিৰ্‌

বন-তুলসীৰ উজাৰি লুকুৱা সুগন্ধি দীঘল উপত্যকা …

নিনাও

ধুলীয়া তিতাবৰীয়া | ঢোল বাই গুচি যায় | ৰাতি বিয়লি

নিজানে কথা পাতে কাৰে, কৰঙীয়া কটাৰীৰ ধাৰে

কাটি চালে মোক, আছে নেকি সাৰে অতীজ

নিহপালী দিয়া তেজৰ তলত …

শাওনত ঢোল শইচত লাগে বোলে পোক

আজি আষাঢ়ৰ ওন্দোলা আকাশ …

কুশলাৰ্থে

মই কলমটো তোমাক দিলো |

মোক আইৰ মুখেৰে গঢ়ি তোলা

কবিতান্তৰৰ পোহৰেৰে দহি নিয়া মোৰ

তেজৰ তলিৰ এৰাপৰলীয়া পথাৰ |

শব্দবোধৰ নৈ বৈ যাওক;

নৈ মোৰ নুমলীয়া ভনী, চকুৰ পানীৰে গাঁথে মণিধাৰি !

আতোলতোল শৰীৰী গীতিপদ ভৰ দি নামক

জীৱন কেবল জীৱন |

অবোধ বান্ধোন ছিঙি সূক্ষ্ম কুশল উচ্চাৰণ |

নিজ নিজানত

উখল মাখল মোৰ ঠুনুকা কলম |

সাহিত্য উৎসৱৰ তিনিদিন

জাৰ গ’ল |

মোৰ আৰু কবিতা নহ’ল |

শব্দও কবিতাৰ কাষলৈ আহোঁতে

খুলি থৈ আহে

তাৰ পোছাকী কাপোৰ |

এইবাৰ

উৎসৱৰ তিনিদিন

ময়ো তোমালোকৰ সতে কটাম;

উলাহত তেজী ৰেলখনো ৰৈ যাব

পোন্ধৰ মিনিট |

আহাঁ তৰুণ কবিসকল,

আৰম্ভ কৰা তোমালোকৰ কবিতা

দেশ ভাঙি আহিছে মানুহ ….

মোৰ এখন নৈ আছে

মোৰ এখন নৈ আছে |

য’ত ভৰদুপুৰীয়া তুমুল ৰ’দত

নৈখনৰ পৈনত মাছে

ছুই আহে জলকুৱৰীৰ পিছল শৰীৰ |

ব’লা যাওঁ চাই আহোঁ মাছবোৰে

কেনেকৈ উজনি পানীত চিলনী সাঁতোৰে |

তোমাৰ খোজৰ সতে

উৰি আহে পৰীৰ দৰে সুখৰ কাঠি

শইচৰ সোনালী উৎসৱ |

Saturday Sketch 015 - Chickadee

Here is a sketch of a black capped chickadee. Its a North-American Bird.

Sketch is made with Baoer fountain pen and Noodler's ink. This pen and ink combo has become my favourite ink drawing kit. Image courtesy: Chickadee by vmrs, wetcanvas.com.

Drawing Tutorial 014 - Drawing male figure(part 2)

Last week we have studied the male figure in three quarter standing. This week we will see the figure straight facing us.

1.Lets review the standard proportion-

height - 7 and 1/2 of head
Nipple - 2 head
Naval - 3 and 1/4 of head
Crotch - Middle point(3 and 3/4th of head. here we have drawn at 4 head)
knee - 5 and 1/2 head
Ankle - 7 and 1/3 head

Body width - 2 head(wide)