অ' গুৰু মোৰ শংকৰ
তৰিবৰ এ কিনো উপায় ।
অ' গুৰু অ' -
ভাটিলৈ যাবলৈ শ্ৰী শংকৰ গুৰু অ'
বালিতে বান্ধিলা পঁজা
ছকুৰি ভকতে চাপৰি ধৰিছে
আপুনি লগাইছে ঘোষা, হে ৰাম ৰাম
আপুনি গাইছে ঘোষা ।
অ'গুৰু অ'
নাও শিমলুৱা, বঠা শিমলুৱা অ'
আৰু শিমুলুৱা চৈ, হে ৰাম ৰাম
আৰু শিমুলুৱা চৈ ।
চৈৰে ভিতৰে গুৰুজন বহিছে
ছকুৰি ভকতক লৈ
অ'গুৰু অ'
সেই নাওখনিতে শিলে শিলে ভৰা দিলা
অ'নাও বুঁৰো বুঁৰো কৰে, হে ৰাম ৰাম
নাও বুঁৰো বুঁৰো কৰে
নাও বুৰা দেখি শ্ৰীশংকৰগুৰু
আপুনি কান্ধ পাতি ধৰে, অ'গুৰু
আপুনি কান্ধে পাতি ধৰে ।
অ' গুৰু অ'
মাজ সাগৰতে একেদাল বিৰিক অ'
তাতে নানান পখীৰ ছায়া হে' ৰাম ৰাম
ৰজনী পুৱালে দশোদিশে গ'লে
এৰিলে বিৰিখৰ মায়া, হে' ৰাম ৰাম
এৰিলে বিৰিখৰ মায়া ।
অ' গুৰু মোৰ শংকৰ ।
-----------------------------
টিলাই টিলাই
ঘুৰি ফুৰে উলাহেৰে
খাম্টি ছোৱালী ।
ঘন ক'লীয়া মেঘৰে
আঁৰে আঁৰে
ৰঙ মনেৰে খেলি ফুৰে
নাচনী বিজুলী ।
টিলাই .....
বনৰে বনৰীয়া
ভেলাকে ধুনীয়া দেখি
থমকি থমকি নাচে তাই
টিঙতে উজলি ।
টিলাই .....
পোৱালৰে ৰঙা মণি
তাইৰে গাল দুখনি
বুকুত লৰি আভা ঢালি
কৰে ৰাঙলী
লাজতে লাজুকী তাই
মিচিকি হাঁহিৰে তাই
দুটি নয়নৰ পাহি মেলি
খাম্টি ছোৱালী
কাষ চাপোতেই
তাৰে বুকুত পৰে ঢলি
খাম্টি ছোৱালী ।
টিলাই ....
-----------------------
অ' মোৰ নাৱৰ ভৰষা নাই ৰে
হে স্বামী নাৱৰ ভৰষা নাই ৰে
নাৱাৰীয়াবোৰে গুৰি বঁঠা ধৰে
গোবিন্দ না গাই ৰে ।।
ওপৰে তপত বেলি
তলে তপত বালি
বুকুৰ উকৰ জুই জ্বলে
নৈৰে বুকুতে চাকনৈয়া ঘুৰিছে
বৈছে পকলা চলে
বিমোৰত পৰিলো বুলি নাৱৰীয়া গোবিন্দ নাম গাই ৰে ।।
ক'লাকৈ ডাৱৰে অকাশখন ছাটিছে
সুৰুজে লুকাইছে গা
বিজুলী ছাটেৰে ঢেৰেকনি মাৰি
বলিছে পগলা বা
নাও টুলু বুলু বঠা টুলু বুলু
আৰু টুলু বুলু ছৈ
পৰ্বতে প্ৰমাণে ঢৌ তুলি তুলি
গৰজি উঠিছে নৈ
উপায়নো নেদেখি মোৰে নাৱৰীয়া
গোবিন্দ নাম গায় ৰে ।।
--------------------
জয় সাগৰৰ বুকুৰ মাজত
উঠে চকুলোৰ ঢল
মলয়াই তোলে হিয়া ভগা সুৰ
কৰুণ বিননি ৰোল
জয়া নাই জয়া নাই
অসমী আইৰ চেনেহৰ জী
সতী জয়মতী নাই ।।
তেজৰ টোপাল চকুলো ওলাল
নয়নৰ চাকি জ্বালিলে দিপালী
বুকুৰ অগনি জ্বালি
পাৰতে সাজিলে স্মৃতিৰ দেউল
প্ৰেমৰ সুৰভি ঢালি
স্বামিকো তৰিলে দেশকো ৰাখিলে
নিজকেই দিলে বলি
জয় দেউলত শিলতে বোলালে
সোণৰ গৰিমা বোল
আজিও কুলীয়ে কলচিত বহি
তোলে বিননিৰ ৰোল ।
সেই সাগৰৰ তেজৰ টুপীৰে
বোলোৱা ৰাঙলী তুলী
জ্বলোৱা দিপালী চাকিৰ শিখাৰে
হৃদয় শলিতা জ্বালি
উঠা অসমৰ গাভৰু ছোৱালী
জানা অসমীয়া দল
আজিও জয়া হিয়াতেই আছে
নুতুলিবা তেনে ৰোল ।
--------------------------
জোনবাই এ তৰা এটি দিয়া
পাত নাই চোত নাই
কিহতকৈ দিম
হালধীয়া চৰায়ে
বাওধান খায়
শহুৰৰ পুতেকে
নাও মেলি যায়
নাৱে বোলে টুলুং ভুটুং
বঠাই বোলে টুলুং ভুটুং
গধূলিতে গধুলিতে ডবা কোবায় ।।
ৰুপহী জোনবাই ৰুপালী চেলেং
মেলি দে অ' মেলি দে
ফুটুকা ফুটুকী তৰা ফুলে বাচি
মেলি দে অ' খুলি দে ।।
বিলৰে মাজতে চুপুৱালী মৌ
নাচে যে ফুল পাহি হালি জালি সৌ
জোনালী কিৰণে আহি তাইৰ ওৰণি
গুচালে অ' গুচালে ।
-------------------------
কাষতে ক'লচি ল'ই
যাই অ' ৰচকী বাই
ৰাংঢালী ওঁঠেদি বনগীত এফাকি
জ্বলাই সুৱলা সুৰৰে এচাকি
কাষৰে ফুলনি উজ্বলাই ৰচকী বাই
যাই অ' ৰচকী বাই ।
মলয়াৰ চুমাৰে ক'লা চুলিটাৰি
ভুতুৰা ৰেণুৰে ঢৌ শাৰী শাৰী
কাষৰে ফুলনি উজ্বলাই ৰচকী বাই
যাই অ' ৰচকী বাই ।।
-------------------------
কুৰুৱা বতাহে অ'
জোৰকৈ বলিলে অ'
চিঞৰি মাতিলে অ' ঊষা
অ' ঊষা অ' ঊষা অ'
পুৱতি নিশাৰে অ'
তৰাৰে চাকিৰে
শলিতা এদালি নিজানিতে জ্বলি
ঢিমিকি ঢিমিকি খীনকৈ জিলিকি
মেলানি মাগিলে অ' ঊষা
বৰনৈ বালিতে অ'
চৰাই উলাহতে
উমলি উমলি জোকাৰি উৰুলি
নামকে হৰিলে অ' ঊষা
অ' ঊষা অ'ই ঊষা অ' ।।
------------------------
উটি যা ৰুপালী নাও
উটি যা উটি যা ৰুপালী নাও
জুৰকৈ বা জুৰকৈ বা
অ' মোৰ পছোৱা মলয়া বা ।
দেখি তোৰ শুকুলা পাল
হিয়া মোৰ মাৰে নিতাল
শুনি তোৰ মৃদুল সুৰ
সিয়ৰি উঠে মোৰ গা
লুইতৰ বুকুৰে ঢল
নাচি কৰে কলমল
গাই গৈ কল কল
তোলে সুমধুৰ ৰাগ
------------------------
নিচলা আইৰে
আমি খাটি অসমীয়া
অসমী আইৰে আমি
ছোৱালী ধুনীয়া
ধৰণী শুৱাই থকা
অতি মোহনীয়া ।
খোপাত কপৌ ফুল
হাতত জেতুকাৰ বোল
সজোৱা বোলোৱা
বিজ্ঞান প্ৰজ্ঞান লৈ
আগবাঢ়ি যোৱা ।
কবিতাৰে মোহছন্দ
পাহৰি পেলোৱা অ'
পাহৰি পেলোৱা
বিলসিনীৰ বেশ ধৰি
অগনি জ্বলোৱা অ' জ্বলোৱা
বিজ্ঞান প্ৰজ্ঞান লৈ
আগবাঢ়ি যোৱা ।
---------------------------
জীৱন ভৰি তোমাৰে গান গালো
দেহা বীণৰ তাঁৰ জোকাৰি
কিমান সুৰ বজালো
তেও যে প্ৰভু তোমাক নেপালো ।
সেই ৰাগিনীৰ তালে তালে
নাচনী জোনায়ে
নীল আকাশৰ চোতালতে
জ্বলে ছেৱে ছেৱে
মোৰেই সুৰত নাচেনে তাই
তোমাৰ সুৰত নাচে
তোমাৰ অসীম লীলা নুবুজিলো ।
তেওঁ যে তোমাক প্ৰভু তোমাক নেপালো ।
---------------------
No comments:
Post a Comment