Songs of Bishnu Prasad Rabha - (বিষ্ণুপ্ৰসাদ ৰাভাৰ গীত) - Part 3

২৭) জীৱন ভৰি তোমৰ গান গালো
২৮) হিৰি বিৰি হিৰি বিৰি
২৯) তেজ ৰাঙলী শোনিতপুৰী
৩০) তোমাৰ ফুলৰে মালা
৩১) নয়নৰ চকুলো লৈ
৩২)  এটুপি চকুলো মোৰ যে কেৱল
৩৩) মেলানি বেলাৰ বিদায় লগন


জীৱন ভৰি তিমৰ গান গালো
দেহা বীণাৰ তাৰ জোকাৰি
কিমান সুৰ বজালো
তেও যে প্ৰভু তোমাক নেপালো ।
সেই ৰাগণীৰ তালে তালে
নাচনী জোনায়ে
নীল আকাশৰ চোতালতে
জ্বলে ছেৱে ছেৱে
মোৰেই সুৰত নাচেনে তাই
তোমাৰ অসীম লীলা নুবুজিলো ।
তেওঁ যে প্ৰভু ওমাক নেপালো ।


------------------------



হিৰি বিৰি হহিৰি বিৰি
হেই অ' হেই হেই ।
নীলাকৈ আকাশ তৰাফুল বছা
কিয়নো ঐ হাঁহিৰে সপোন ৰচা ।
বাৰিষাৰ ডাৱৰত বিজুলীৰ খেলা
কিয়নো ঐ সৰগৰ সঁফুৰা মেলা
হিৰি বিৰি হিৰি বিৰি
হেই অ' হেই হেই ।
সপোন মছিম
দিঠক ৰচিম
সাত মহলাৰ কাৰেঙ গঢ়িম
অ' ভৈয়াম ঐ, বিজুলীৰ চাকি জ্বালিম
হিৰি বিৰি .....।।
চোতালৰ জাবৰি
অজুৰি পিজুৰি
সাজিমে ফুলনি বাৰী জলমল ধুনীয়া
হ'ব বিনন্দীয়া
আমাৰে অলকাপুৰী
অ' ভৈয়াম ঐ, আমাৰে অলকাপুৰী
হিৰি বিৰি ....।।
পুৱাব সিদিনা
দুখৰে ৰজনী
ফৰকাল হ'ব সব হিয়া
ৰ'দত উজ্বলিব
কাৰেঙৰ কলচী
সুখৰ পোহৰত ধুনীয়া
অ' ভৈয়াম ঐ, শান্তি দেশলৈ খোজ দিয়া
হিৰি বিৰি .....।।



-----------------------



তেজ ৰাঙলী শোনিতপুৰী
গঢ়িলো তেজেৰে ।
হৃদয় ফালি শোণিত ঢালি
ৰঙা টোপালেৰে ।।
কুমলীয়া দেহাৰ ভেটিত
তুলি গড় অগনীৰ
প্ৰায় চাকিৰ প্ৰেম শলিতাৰ
জ্বালি দ্বীপ-দীপালীৰ ।
বান্ধি কাৰেঙ সজালো মোৰ
ৰঙা পোৱালেৰে ।।
পুৱৰ তোৰণ ভাঙি আনিম
ৰুপহী সোণালী ঊষা ।
সজাম পৰাম আলোকেৰে
জ্বালিম প্ৰণয় শিখা ।।
চুকত বহি বজাম বীণ
দেৱী পত্ৰ লেখি
কাচোন কাচি নাচোন নাচি
নাচিম চিত্ৰলেখি
হৃদয় বেইত ধোৱাম প্ৰিয়াক
লোহিত ঢলেৰে ।


--------------------


তোমাৰ ফুলৰে মালা
আজিয়ে লেৰেলি যায় ।
সুৰভি-সফুঁৰা মেলা পহি
সিও মৰহি যায় ।।
নয়নৰ মোৰ নিয়ৰ টোপাল
নুশুৱায় মোৰ এই দুয়োগাল
বেদনা তাপত কিয়নো শুকাল,
চকু ফালি লো নোলায় ।।
ফুলৰ পাহি গ'ল মৰহি
স্মৃতিৰ সুৰভি আহি ভাহি
তাহানি কালৰ ওমলা কথাটি
মাজে মাজে সোঁৱৰায় ।।
লেৰেলা ফুলৰ মালাধাৰ লৈ
গুপুতে বুকুত আঁকোৱালি থৈ
নিজানত বহি গুণ গুণকৈ
গাম ' হায়। হায় । হায় ।'


------------------------


নয়নৰ চকুলো লৈ
চোৱা কিয় মুখলৈ
কৰুণ অৰুণ আঁখি
বিষাদ পাহিৰে ঢাকি
আছ কিয় তাতে ৰৈ ?
ডকা চাকনৈয়া আনি
নিশাৰে কালিমা সানি
নোবোৱাবা লোৰ নৈ ।
এটুপি চকুলো মোৰ যে কেৱল


----------------------------



এটুপি চকুলো মোৰ যে কেৱল
সেয়ে মোৰ তাজমহল
প্ৰনয়েৰে ভৰা, বেদনাৰে গঁথা
শান্‌ত চিৰ উজ্জ্বল
বিৰহ নৈৰে পাৰতে
প্ৰেম শালিলে বুকুতে
গঢ়িলো যতনে চকুপানী সানি
স্নিগ্ধ স্মৃতিৰ দেউল ।
বাদচাহৰ যে অজনীহে তাজ
মোৰ যে প্ৰিয়াত শত মমতাজ
আছিল যে তাই ফুল পাৰিজাত
হৃদয়ৰ শতদল ।

কবি যদি হয় শাহজাহান
ময়ো যে কবি দীন সু-মহান
শিলৰ কবিতা নহয় মোৰ দান
এটুপি লোহে কেৱল
সেয়ে মোৰ তাজমহল ।


---------------------------


মেলানি বেলাৰ বিদায় লগন
যেতিয়া আহিব চাপি,
উঠিবনে প্ৰিয়ে তেতিয়া এবাৰ
হৃদয় তোমাৰ কঁপি ?
বিদায় ক্ষনত থাকিলে নীৰৱ
পাবা একোটো আভাস,
সেই আভাসে মোৰ হৃদয়ৰে
শেষ মিনতিৰ শ্বাস ।।
গধূলি বেলিকা দেৱ নাম লিখা
যেতিয়া মেলিবা পূথি,
সন্ধিয়া আৰতি জ্বালি দীপ বন্তি
গাবা নাম মালা গাঁথি,
দেৱ নাম পাহৰি মোৰ নাম সুঁৱৰি
ল'বানে এবাৰ জপি ?



Songs of Bishnu Prasad Rabha - (বিষ্ণুপ্ৰসাদ ৰাভাৰ গীত) - Part 2


Songs of Bishnu Prasad Rabha - (বিষ্ণুপ্ৰসাদ ৰাভাৰ গীত) - Part 4