কি চাই আছা ?
আহাঁ আনো এটা দিন
উদং ভৰাল ভৰি যোৱাকৈ
ৰঙা নদীত ডুব দি থকা
গোটে-পাতে এটা দিন ।
আহাঁ আনো এটা দিন
উদং ভৰাল ভৰি যোৱাকৈ
ৰঙা নদীত ডুব দি থকা
গোটে-পাতে এটা দিন ।
পচা, যাঠী, দা
খোৱালী কোদাল
য'ত জি আছে আনা
সৰিয়হ ফুলৰ গন্ধ ভৰা
পকাধানৰ গন্ধ ভৰা
বিলাহী ৰঙৰ দিন ।
বিহু এখন পাতো আহাঁ ।
বিহু নেপাতিলে নাহে ।
দপ্ দপ্ দপ্
মেজিৰ জুইত
আহাঁ দলিয়াও
দুঃশাসনৰ ডোখৰ ডোখৰ দেহ
অনশন
আৰু বিবশন দিন ।
No comments:
Post a Comment