আজি এই নিৰ্জ্জন সেমেকা সন্ধিয়া
পলাতক বিচ্ছিন্ন সৈন্য বাহিনীৰ দৰে
মোৰ মন বিক্ষিপ্ত ব্যঞ্জনময় ।
আৰু কোনো এক নীলোজ্জ্বল প্ৰভাতত
ময়ে দেখিছিলোঁ
অনাগত ভবিষ্যৰ আলোক যাত্ৰাৰ পট ভূমিকাত
এটা নতুন দিনৰ সূৰ্য্য অপৰ্যাপ্ত হাঁহিৰ বৈচিত্ৰ ।
এতিয়া
এই ম্লান সন্ধিয়াত এন্ধাৰ আহিছে নামি ।
অসীম বেদনা ভৰা ঘনঘোৰ ৰাতিৰ এন্ধাৰ,
সংকেত ভয় আৰু আশংকাৰ ।
(কোনো এক নীলোজ্জ্বল প্ৰভাতত
কি স্বপ্ন দেখিছিলোঁ মই,
কিহৰ ইংগিত ?)
সংকীৰ্ণ দৃষ্টিত তাৰ অৰ্থ নাই ।
কিয়নো
মোৰ স্বপ্ন জাগ্ৰত দিনৰ,
মোওৰ দাবী মিলিত কণ্ঠৰ,
মোৰ দৃষ্টি সুদূৰ প্ৰসাৰী,
আসন্ন প্ৰসবা - এই পৃথিৱীৰ মধুৰ ইংগিত
নৱ প্ৰভাতত এটা নতুন সূৰ্য্যৰ ।
পলাতক বিচ্ছিন্ন সৈন্য বাহিনীৰ দৰে
মোৰ মন বিক্ষিপ্ত ব্যঞ্জনময় ।
আৰু কোনো এক নীলোজ্জ্বল প্ৰভাতত
ময়ে দেখিছিলোঁ
অনাগত ভবিষ্যৰ আলোক যাত্ৰাৰ পট ভূমিকাত
এটা নতুন দিনৰ সূৰ্য্য অপৰ্যাপ্ত হাঁহিৰ বৈচিত্ৰ ।
এতিয়া
এই ম্লান সন্ধিয়াত এন্ধাৰ আহিছে নামি ।
অসীম বেদনা ভৰা ঘনঘোৰ ৰাতিৰ এন্ধাৰ,
সংকেত ভয় আৰু আশংকাৰ ।
(কোনো এক নীলোজ্জ্বল প্ৰভাতত
কি স্বপ্ন দেখিছিলোঁ মই,
কিহৰ ইংগিত ?)
সংকীৰ্ণ দৃষ্টিত তাৰ অৰ্থ নাই ।
কিয়নো
মোৰ স্বপ্ন জাগ্ৰত দিনৰ,
মোওৰ দাবী মিলিত কণ্ঠৰ,
মোৰ দৃষ্টি সুদূৰ প্ৰসাৰী,
আসন্ন প্ৰসবা - এই পৃথিৱীৰ মধুৰ ইংগিত
নৱ প্ৰভাতত এটা নতুন সূৰ্য্যৰ ।
No comments:
Post a Comment