বৰ্ষাৰ আজি শেষ দিন ঃ
ঈশান কোণত যদি দেখা দিলে কলীয়া ডাৱৰে
যাত্ৰা কাৰ হ'ব আৰম্ভ ? কাৰ প্ৰলুব্ধ বাসনা লৈ
মেঘমন্দ্ৰে তালে তালে বতাহ বলিব,
গান গাব নিকুঞ্জ কঁপাই !
বৰ্ষাৰ আজি শেষ দিন ।
বিস্তীৰ্ণ প্ৰান্তত শুনা প্ৰাণ ভৰা জীৱনৰ গান ;
ঢৌ নাচে, ঢৌ খেলে
সেউজীয়া পথাৰে পথাৰে,
হিৰন্ময় অস্তাচল প্ৰতিভাত হ'ল পৃথিৱীত ।
অতন্দ্ৰ অৰুণে আনে কিহৰ ইংগিত
আজি এই স্বপ্ন-নীল আৰক্ত সন্ধিয়া ?)
বৰ্ষাই বিদায় লয়
অনাগত ভৱিষ্যতৰ প্ৰতীক্ষাৰ
বৰ্ষাৰ আজি শেষ নিশা ঃ
হয়তো বহুত কথা আধা কোৱা হ'ল,
ক্লান্তিৰ পুলকে দিয়া সৃষ্টিৰ আনন্দ
কিজানিবা ৰূপ ল'ব বৰ্ষাৰ আজি শেষ নিশা ।
ৰাতিৰ এন্ধাৰ ........... বেদনা আতুৰ,
বৰ্ষাৰ বিৰহ জণ্ঠত বাজি উঠে
বিদায়ৰ নিচুকনি সুৰ,
(সমহিত প্ৰভাত পখীৰ গান)
ঋতুৰ বৰণমালা ...... সময়ৰ আত্মাৰ ক্ষুধাৰে
বৰ্ষাৰ ৰাতি শেষ হ'ল
আহে নৱ প্ৰভাতৰ আহ্বান .....
প্ৰাত্যহিক জীৱনৰ আৰদ্ধ কামনা জাগে
প্ৰভাতৰ অগ্নিভ বৰ্ণত,
পৰাণ মুঞ্জৰি উঠে
নিশা ফুলা শেৱালিৰ মদিৰ গন্ধত,
মেঘৰাজ বৰ্ষহাৰ শেষত ।
ঈশান কোণত যদি দেখা দিলে কলীয়া ডাৱৰে
যাত্ৰা কাৰ হ'ব আৰম্ভ ? কাৰ প্ৰলুব্ধ বাসনা লৈ
মেঘমন্দ্ৰে তালে তালে বতাহ বলিব,
গান গাব নিকুঞ্জ কঁপাই !
বৰ্ষাৰ আজি শেষ দিন ।
বিস্তীৰ্ণ প্ৰান্তত শুনা প্ৰাণ ভৰা জীৱনৰ গান ;
ঢৌ নাচে, ঢৌ খেলে
সেউজীয়া পথাৰে পথাৰে,
হিৰন্ময় অস্তাচল প্ৰতিভাত হ'ল পৃথিৱীত ।
অতন্দ্ৰ অৰুণে আনে কিহৰ ইংগিত
আজি এই স্বপ্ন-নীল আৰক্ত সন্ধিয়া ?)
বৰ্ষাই বিদায় লয়
অনাগত ভৱিষ্যতৰ প্ৰতীক্ষাৰ
বৰ্ষাৰ আজি শেষ নিশা ঃ
হয়তো বহুত কথা আধা কোৱা হ'ল,
ক্লান্তিৰ পুলকে দিয়া সৃষ্টিৰ আনন্দ
কিজানিবা ৰূপ ল'ব বৰ্ষাৰ আজি শেষ নিশা ।
ৰাতিৰ এন্ধাৰ ........... বেদনা আতুৰ,
বৰ্ষাৰ বিৰহ জণ্ঠত বাজি উঠে
বিদায়ৰ নিচুকনি সুৰ,
(সমহিত প্ৰভাত পখীৰ গান)
ঋতুৰ বৰণমালা ...... সময়ৰ আত্মাৰ ক্ষুধাৰে
বৰ্ষাৰ ৰাতি শেষ হ'ল
আহে নৱ প্ৰভাতৰ আহ্বান .....
প্ৰাত্যহিক জীৱনৰ আৰদ্ধ কামনা জাগে
প্ৰভাতৰ অগ্নিভ বৰ্ণত,
পৰাণ মুঞ্জৰি উঠে
নিশা ফুলা শেৱালিৰ মদিৰ গন্ধত,
মেঘৰাজ বৰ্ষহাৰ শেষত ।
No comments:
Post a Comment