ঘননীল আকাশত বৰ্ষাৰ ডাৱৰে আনে
জীৱনৰ মোহান্ধ বাৰতাঃ
ক্ষণপ্ৰভা বিদ্যুতৰ সৰ্পিল ভংগিমাত
পথ কাৰ ভুল হ'ল বুলি
প্ৰাণময় আবেশত আকুল উদগ্ৰ মন নাচি উঠে
মেঘ ডম্বৰুৰ তালে তালে -
সায়াহ্নৰ বৰষুণ স্তব্ধ হ'ল ।
অস্তাচলৰ ক্লান্ত শিল্পীৰ তুলিকাত
ধৰা দিয়ে সৃষ্টিৰ আবেগ -
ধৰাৰ বুকুত সমাৰোহ জীৱনৰ ।
অবাক বিস্ময়
অত্যুগ্ৰ ৰঙীন আকাশ,
মোহাচ্ছন্ন প্ৰাণৰ আভাস;
সন্ধ্যাৰ বৰ্ণাভ মেঘত জ্বলে নিৰুদ্বেগ পৃথিৱীৰ
মৃত্যুনীল কামনাৰ জুই ।
ৰাতিৰ আন্ধাৰ নামে ঃ
ৰাতিৰ আন্ধাৰে আনে
অনাগত প্ৰভাতৰ সূৰ্য্যমুখী আলোকৰ স'তে
ৰঙীন কামনা ।
জীৱনৰ মোহান্ধ বাৰতাঃ
ক্ষণপ্ৰভা বিদ্যুতৰ সৰ্পিল ভংগিমাত
পথ কাৰ ভুল হ'ল বুলি
প্ৰাণময় আবেশত আকুল উদগ্ৰ মন নাচি উঠে
মেঘ ডম্বৰুৰ তালে তালে -
সায়াহ্নৰ বৰষুণ স্তব্ধ হ'ল ।
অস্তাচলৰ ক্লান্ত শিল্পীৰ তুলিকাত
ধৰা দিয়ে সৃষ্টিৰ আবেগ -
ধৰাৰ বুকুত সমাৰোহ জীৱনৰ ।
অবাক বিস্ময়
অত্যুগ্ৰ ৰঙীন আকাশ,
মোহাচ্ছন্ন প্ৰাণৰ আভাস;
সন্ধ্যাৰ বৰ্ণাভ মেঘত জ্বলে নিৰুদ্বেগ পৃথিৱীৰ
মৃত্যুনীল কামনাৰ জুই ।
ৰাতিৰ আন্ধাৰ নামে ঃ
ৰাতিৰ আন্ধাৰে আনে
অনাগত প্ৰভাতৰ সূৰ্য্যমুখী আলোকৰ স'তে
ৰঙীন কামনা ।
No comments:
Post a Comment