স্তব্ধ জোনাক নীৰৱ ৰাতি উজাগৰ কোনো নীড় হাৰা এটি বিহংগৰ
বিৰহ বিধুৰ পাখিৰ কঁপনি লাগি সৰি গ'ল গছপাত এটি অৰণ্যৰ
স্বপ্নচাৰী কোননো কবিৰ মনবিহংগ তৰাৰ স'তে উৰি উৰি গ'ল,
শান্ত নিৰীহ অযুত জোনাকী ধৰাৰ বুকুত অপোন মনে মনে জ্বলি জ্বলি ৰ'ল ।
কোমল কোমল ডাৱৰে ডাৱৰে স্বৰ্ণকিৰণ উদ্ভাসিত অনুপমা ৰাতি
বিছনাত এৰি বোবা গাৰু এটি আছেনে কোনোবা ৰূপহিনী
দুৱাৰ ডলিত বহি
নিদ্ৰাবিহীন আপোন প্ৰাণৰ সুৰভি জ্বলাই আত্মভোলা --
কবিৰ কথা ভাবি ।
বিষাদ মৌন সেই যে নাৰী কবিতাৰ দৰে সুন্দৰ এটি মনৰ অধিকাৰী
জ্যোতস্না ভৰা স্তব্ধ ৰাতি সেই যে নাৰী কোনোবা কবিৰ উৰণীয়া
পাখিৰ সুৰধ্বনি ।
বিৰহ বিধুৰ পাখিৰ কঁপনি লাগি সৰি গ'ল গছপাত এটি অৰণ্যৰ
স্বপ্নচাৰী কোননো কবিৰ মনবিহংগ তৰাৰ স'তে উৰি উৰি গ'ল,
শান্ত নিৰীহ অযুত জোনাকী ধৰাৰ বুকুত অপোন মনে মনে জ্বলি জ্বলি ৰ'ল ।
কোমল কোমল ডাৱৰে ডাৱৰে স্বৰ্ণকিৰণ উদ্ভাসিত অনুপমা ৰাতি
বিছনাত এৰি বোবা গাৰু এটি আছেনে কোনোবা ৰূপহিনী
দুৱাৰ ডলিত বহি
নিদ্ৰাবিহীন আপোন প্ৰাণৰ সুৰভি জ্বলাই আত্মভোলা --
কবিৰ কথা ভাবি ।
বিষাদ মৌন সেই যে নাৰী কবিতাৰ দৰে সুন্দৰ এটি মনৰ অধিকাৰী
জ্যোতস্না ভৰা স্তব্ধ ৰাতি সেই যে নাৰী কোনোবা কবিৰ উৰণীয়া
পাখিৰ সুৰধ্বনি ।
No comments:
Post a Comment