আলোক সজ্জা-ছাঁ আৰু পোহৰৰ ঘন খেলিমেলি
পুৱা নে সন্ধিয়া ঠিক ধৰিব নোৱাৰি ।
দৃশ্যপট - কেউপিনে অজস্ৰ কবৰ ।
বোবা মুখৰতা
বতাহৰ শেঁতা ।
তেজৰ ফুলেৰে ভৰা নিৰ্জ্জনতা হাবি ।
পুৱা নে সন্ধিয়া ঠিক ধৰিব নোৱাৰি ।
দৃশ্যপট - কেউপিনে অজস্ৰ কবৰ ।
বোবা মুখৰতা
বতাহৰ শেঁতা ।
তেজৰ ফুলেৰে ভৰা নিৰ্জ্জনতা হাবি ।
তাত - বহুদিন কয়লাৰ গভিৰ খনিত যেন
কাম কৰি জীৰ্ণ হোৱা বুঢ়া দেহা এটা
কবৰৰ ওপৰত পৰি আছে হাঁয়,
ওঁহো, এয়াতো এটা পাখি ভাগি পৰি থকা
কাম কৰি জীৰ্ণ হোৱা বুঢ়া দেহা এটা
কবৰৰ ওপৰত পৰি আছে হাঁয়,
ওঁহো, এয়াতো এটা পাখি ভাগি পৰি থকা
ক্লান্ত চৰাই ।
পৰিবৰ বাবে সি ক'তো ঠাই বিচাৰি নাপালে
(সেউজীয়া ঠানি এটা-কুমাৰৰ চোতালত থকা
অজস্ৰ মাটিৰ মূৰ্তিৰ কোনো এক সৰু হৃদয়ৰ)
কবৰ, কফিন আৰু কবৰৰ বাবে ।
কাগজৰ দূভৰিত তাৰ
আলতাৰ আলতীয়া বহু কেঁচা দাগ
সজাক ফাঁকি দি অহা শিকলিৰ সাঁচ,
চকু তাৰ কেতেকীৰ ৰাতি মতা মাত
নিয়ৰ টোপাৰ দৰে স্বচ্ছ তাৰ অকণি দেহাত
সময়ৰ ৰঙৰ 'ফ'কাছ' ।
অৱশ নখেৰে সি ভৰি দিয়া মাটি চুই চালে
আৰু বিবৰ্ণ যাতনা লৈ নখ তাৰ কোঁচাই আনিলে ।
পাছলৈ ঘুৰি চাই ডিঙি বেঁকা কৰি
বিচিত্ৰ ৰঙেৰে ৰঙা পাখি তাৰ এবাৰ কটালি
বিচিত্ৰ ৰঙেৰে ৰঙা পাখি তাৰ এবাৰ কটালি
আকশলে' মুখ তুলি, সি গালে এটা শেষ গীত
কোনো এক নতুন জীৱন ব কোনো এক
পৰিপূৰ্ণ মৃত্যুৰ বাবে ।
No comments:
Post a Comment