এক
হাজাৰ হাজাৰ নগৰ দেখিলো
- স্তব্ধ
অগণন টকাৰ নৃত্য দেখিলো
- মুগ্ধ
মৃত্যু, অপমৃত্যু গচকি আহিলো
দুই
হাঁহি উঠে মোৰ বৰ হাঁহি উঠে
এটা কথা মাথো তাৰেই বাবে,
এই পৃথিৱীয়ে
নিজৰ নখেৰে মুখত আঁচুৰি
গন্ধ-মাদন বিচৰা বাবে ।
তিনি
চাৰ্কাচৰ ক্লান্তিহীন বহুৱালি চাই
ওভটাৰ বাট বিচাৰিলো,
এনেতে দেখিলো
দুৰৰ গেলেৰীত
কাপোৰেৰে মুখ ঢাকি উচুপি উচুপি থকা
প্ৰথম কেচুৱা মৰা তিৰোতাৰ বুকুৰ কান্দোন ।
ইকি ! মুখ ঢাকি কান্দি থকা সেয়াচোন
আমাৰ ঈশ্বৰ !!!
No comments:
Post a Comment