বহাগ
১
১
এনেকুৱা লাগে -
যেন কচক্ কচক্কৈ উঠিব
কুমলীয়া তিয়হঁৰ কেঁচাখিনি ।
এনেকুৱা লাগে -
নদী যেন বৈ যাব
এখন এখনকৈ বাৰখন গাঁৱৰ
নিৰ্জনতা ভাঙি ।।
যেন কচক্ কচক্কৈ উঠিব
কুমলীয়া তিয়হঁৰ কেঁচাখিনি ।
এনেকুৱা লাগে -
নদী যেন বৈ যাব
এখন এখনকৈ বাৰখন গাঁৱৰ
নিৰ্জনতা ভাঙি ।।
বহাগ
২
জুই জ্বলিল
এডাল, দুডালকৈ
বাৰডাল পাকৰিগছত ।
জুই জ্বলিল আৰু
নুমাই গ'ল ।
ছাইৰ দ'মটোত
আজি দেখিলোঁ
সেউজীয়া হাবিৰ গোন্ধ লৈ
এটা সোণ-জ্বলমল
হৰিণা ।।
বহাগ
৩
কুঁহিপাত এটাৰ দৰে
দলি আছে গোটেই গাওঁখন
কেতেকী ফুলৰ গোন্ধত ।
আঁহত গছৰ মাজেদি
সেউজীয়া বেলিটো ।
দেহৰ বনত
কুলিৰ মাত
জুৰিৰ দৰে ।।
বহাগ
৪
যেন কেউটা ডাল
দোঁ খুৱাই ফুলিছে
ৰ'দ আৰু জোনাক
একেলগে ।
পথাৰমুৱা ভৰিত এতিয়া
বিহুনাচৰ ৰাগি ।।
No comments:
Post a Comment