পঁজাঘৰবোৰত জুই দিয়া হ'ল ।
আকাশচুম্বী লেলিহান জুই শিখাই
পোহৰ কৰিলে দিগন্ত !
পূব আকাশৰ উদীয়মান সূৰ্যটো
নিষ্প্ৰভ হৈ গ'ল তেতিয়া ।
হয়তো সি লাজ পাইছিল ।
পঁজাঘৰবোৰত জুই দিয়া হ'ল ।
নৈশব্দৰ বুকু ভাঙি গৰজি উঠিল
আদিম মানুহৰ বৰ্বৰতা ।
পৈশাচিক ৰণ হুংকাৰ
প্ৰতিধ্বনিত হ'ল অৰণ্যত ।
নিষ্ঠুৰ ষড়যন্ত্ৰৰ যুপকাষ্ঠত বলি হ'ল
অসহায় আবাল বৃদ্ধ,
নাৰী শিশু । (সংখ্যা নিস্প্ৰয়োজন )
নিৰ্বাপিত মমতাৰ দীপ
তেতিয়া উৰিয়ামঘাটত ৰাতি পুৱাবৰ
বহুত বাকী ।
দিচৈ দৈয়াং ৰেংমাৰ বতাহত
আৰ্তৰ কৰুণ নিশ্বাস আৰু
জুয়ে পোৰা মানৱতৰ উৎকট গোন্ধ ।
খবৰ কাগজত ৰং বেৰঙৰ দেশপ্ৰেমিকৰ
অস্ফালন । অৰন্যত নিহত হৃদয়
দীপ্তকণ্ঠে কোৱাহে সীমাৰ বেৰা ভাঙি কোনে
বিশ্বজগতৰ কৰিব জয় ।
আকাশচুম্বী লেলিহান জুই শিখাই
পোহৰ কৰিলে দিগন্ত !
পূব আকাশৰ উদীয়মান সূৰ্যটো
নিষ্প্ৰভ হৈ গ'ল তেতিয়া ।
হয়তো সি লাজ পাইছিল ।
পঁজাঘৰবোৰত জুই দিয়া হ'ল ।
নৈশব্দৰ বুকু ভাঙি গৰজি উঠিল
আদিম মানুহৰ বৰ্বৰতা ।
পৈশাচিক ৰণ হুংকাৰ
প্ৰতিধ্বনিত হ'ল অৰণ্যত ।
নিষ্ঠুৰ ষড়যন্ত্ৰৰ যুপকাষ্ঠত বলি হ'ল
অসহায় আবাল বৃদ্ধ,
নাৰী শিশু । (সংখ্যা নিস্প্ৰয়োজন )
নিৰ্বাপিত মমতাৰ দীপ
তেতিয়া উৰিয়ামঘাটত ৰাতি পুৱাবৰ
বহুত বাকী ।
দিচৈ দৈয়াং ৰেংমাৰ বতাহত
আৰ্তৰ কৰুণ নিশ্বাস আৰু
জুয়ে পোৰা মানৱতৰ উৎকট গোন্ধ ।
খবৰ কাগজত ৰং বেৰঙৰ দেশপ্ৰেমিকৰ
অস্ফালন । অৰন্যত নিহত হৃদয়
দীপ্তকণ্ঠে কোৱাহে সীমাৰ বেৰা ভাঙি কোনে
বিশ্বজগতৰ কৰিব জয় ।
No comments:
Post a Comment