হাতুৰিৰ আঘাতে আঘাতে
গঢ় লয় নতুন অস্ত্ৰই ।
সেই অস্ত্ৰত নিহিত
কমাৰৰ সুঠাম বাহুৰ বল,
ঘাম, মনৰ সকলো উচ্ছ্বাস ,
খং ৰাগ আৰু জীয়াই থকাৰ তীব্ৰ বাসনা ।
হাঁতুৰিৰ আঘাতত বিচ্ছুৰিত
প্ৰতিটি স্ফুলিংগ,
ইতিহাস অনাগত নতুন দিনৰ
যেন সমদলত আগবাঢ়ি যোৱা
এটি বিদ্ৰোহী তৰুণ
গতিত নিহিত সিহঁতৰ অফুৰণ সৌৰশক্তি;
দপ্ দপ্কৈ জ্বলি উঠে বিক্ষোভত ।
হাঁতুৰিৰ আঘাতে আঘাতে
গঢ় লয় নতুন অস্ত্ৰই ।
কৃষকৰ নাঙলৰ ফাল, কাঁচি
কাঠ মিস্ত্ৰিৰ হাতিয়াৰ,
দা, কোৰ আৰু যাঠি ।
সেই অস্ত্ৰত দিয়া শান,
বতাহ নিনাদি উঠা
কমাৰ শালৰ ছন্দায়িত
সেই শব্দ তৰঙ্গত শুনা
সংগ্ৰামৰ কঠিন প্ৰতিজ্ঞাৰ আহ্বান ।
গঢ় লয় নতুন অস্ত্ৰই ।
সেই অস্ত্ৰত নিহিত
কমাৰৰ সুঠাম বাহুৰ বল,
ঘাম, মনৰ সকলো উচ্ছ্বাস ,
খং ৰাগ আৰু জীয়াই থকাৰ তীব্ৰ বাসনা ।
হাঁতুৰিৰ আঘাতত বিচ্ছুৰিত
প্ৰতিটি স্ফুলিংগ,
ইতিহাস অনাগত নতুন দিনৰ
যেন সমদলত আগবাঢ়ি যোৱা
এটি বিদ্ৰোহী তৰুণ
গতিত নিহিত সিহঁতৰ অফুৰণ সৌৰশক্তি;
দপ্ দপ্কৈ জ্বলি উঠে বিক্ষোভত ।
হাঁতুৰিৰ আঘাতে আঘাতে
গঢ় লয় নতুন অস্ত্ৰই ।
কৃষকৰ নাঙলৰ ফাল, কাঁচি
কাঠ মিস্ত্ৰিৰ হাতিয়াৰ,
দা, কোৰ আৰু যাঠি ।
সেই অস্ত্ৰত দিয়া শান,
বতাহ নিনাদি উঠা
কমাৰ শালৰ ছন্দায়িত
সেই শব্দ তৰঙ্গত শুনা
সংগ্ৰামৰ কঠিন প্ৰতিজ্ঞাৰ আহ্বান ।
No comments:
Post a Comment