দুপৰৰ ৰ'দ এতিয়া
ওলমি আছে আকাশত ।
দুপৰৰ ৰ'দ জ্বলি আছে মোৰ বুকুত ।
জেঠৰ খৰাং বতৰত
কোনে মোৰ বাঁহী নমাই আনিব বৰষুণ,
ৰাতিৰ তুহিন ভেদ কৰি ভাঁহি অহা
কাৰ মৃদু গুঞ্জনে শীতল কৰিব মোৰ মোৰ বুকুৰ উত্তাপ !
মোৰ বুকুত দুপৰৰ ৰদ,
দুপৰৰ ৰ'দ ওল্পমি আছে আকাশত
মোৰ বুকুত এতিয়া জুই ।
গছৰ ছায়াবোৰ দীৰ্ঘায়ত হয় পুবলৈ,
মোৰ বুকুত এতিয়া জুই,
মই উভতি গৈছোঁ
সেই দীৰ্ঘায়ত ছায়ৰ দৰেই
মায়াবী অন্ধকাৰৰ মাজলৈ ।
(জীৱনৰ আবেলিত একাঁজলি ৰ'দ ।)
মোৰ বুকুত এতিয়া দুপৰৰ ৰ'দ,
মোৰ হৃদয়ত এতিয়া দুপৰৰ দপ্ দপ্ ৰ'দ ।
আৰু আহত পখীৰ পাখিৰ ঢপঢপনি
আৰু হৃদপিণ্ডৰ স্পন্দন ।
এতিয়া ইমান অস্থিৰতা,
মোৰ হৃদয়ৰ গহনত,
মোৰ বুকুত দপ্ দপ্ দুপৰৰ ৰ'দ ।
ৰ'দ কাঁচলিত
দেখিছোঁ কেৱল মোৰ দীৰ্ঘায়ত ছায়া ।
ওলমি আছে আকাশত ।
দুপৰৰ ৰ'দ জ্বলি আছে মোৰ বুকুত ।
জেঠৰ খৰাং বতৰত
কোনে মোৰ বাঁহী নমাই আনিব বৰষুণ,
ৰাতিৰ তুহিন ভেদ কৰি ভাঁহি অহা
কাৰ মৃদু গুঞ্জনে শীতল কৰিব মোৰ মোৰ বুকুৰ উত্তাপ !
মোৰ বুকুত দুপৰৰ ৰদ,
দুপৰৰ ৰ'দ ওল্পমি আছে আকাশত
মোৰ বুকুত এতিয়া জুই ।
গছৰ ছায়াবোৰ দীৰ্ঘায়ত হয় পুবলৈ,
মোৰ বুকুত এতিয়া জুই,
মই উভতি গৈছোঁ
সেই দীৰ্ঘায়ত ছায়ৰ দৰেই
মায়াবী অন্ধকাৰৰ মাজলৈ ।
(জীৱনৰ আবেলিত একাঁজলি ৰ'দ ।)
মোৰ বুকুত এতিয়া দুপৰৰ ৰ'দ,
মোৰ হৃদয়ত এতিয়া দুপৰৰ দপ্ দপ্ ৰ'দ ।
আৰু আহত পখীৰ পাখিৰ ঢপঢপনি
আৰু হৃদপিণ্ডৰ স্পন্দন ।
এতিয়া ইমান অস্থিৰতা,
মোৰ হৃদয়ৰ গহনত,
মোৰ বুকুত দপ্ দপ্ দুপৰৰ ৰ'দ ।
ৰ'দ কাঁচলিত
দেখিছোঁ কেৱল মোৰ দীৰ্ঘায়ত ছায়া ।
No comments:
Post a Comment